Kunka monta eustajaa valtiopäivilä oon?
Valtiopäivilä oon 349 valtiopäiväeustajaa. Valtiopäivitten 349 paikkaa jaethaan puoluheitten kesken sen jälkhiin miten net oon saahneet ääniä vaalissa.
Lue enämpi ruottiksi:
Kunka monta miestä ja vaimonpuolta valtiopäivilä oon?
Ko vertaa muihiin parlamenthiin, Ruottin valtiopäivilä oon suuri osa vaimonpuolisia eustajia, 46,1 prosenttia.
Mitenkä valtiopäiväeustajaksi pääsee? Mikkä vaatimukset häätyy täyttää ette saattaa olla valtiopäiväeustaja Ruottin valtiopäivilä?
Sulla häätyy olla äänioikeus valtiopäivävaahliin ennenkö sinut saattaa valita valtiopäivile. Se tarkottaa ette sie häyt olla Ruottin kansalainen ja ette olet täyttäny 18 vuotta. Joku poliittinen puolue oon kans häätyny nimetä sinut niin ette sie olet heän vaalilipula/listala. Se oon helpompi jos sie olet jonku puoluheen jäsen ja olet tehny puoluetyötä.
Sen jälkhiin se oon äänestäjitten äänet jokka päättävät kenestä tullee valtiopäiväeustaja ja kenestä ei. Äänestää saattaa joko vain puoluetta eli niin puoluetta ko erityistä kandidaattia jolle pannee kryssän vaaliliphuun.
Lue enämpi ruottiksi:
Kunka paljon valtiopäiväeustaja tienaa?
Valtiopäiväeustajilla oon palkkio joka oon 68 400 kr/kuukauessa. Eustajat maksavat veroa siittä.
Lue enämpi ruottiksi:
Ekonomiska villkor
Kunka paljon töitä valtiopäiväeustaja tekkee ja minkälainen hänen työpäivä oon?
Valtiopäiväeustajan tehtävä ei ole tavalinen työ jossa oon vissit työaijat. Sentähen työaika vaihtelee eustajasta toisheen. Mutta monet eustajat sanovat ette net tekevät töitä 60–70 tiimaa viikossa.
Työpäivä vaihtelee paljon. Suuri osa aikaa mennee kokkoukshiin muitten eustajitten kans, esimerkiksi valiokunnissa ja puolueryhmässä, ja äänestäjitten, yrityksitten, organisasjuunitten, viranomhaisitten ja monitten muitten kans. Paljon aikaa mennee kans siihen ette lukea kaikki ehotukset valiokunnasta ja ottaa kantaa niihin ja joista sitte keskultelhaan ja joista päätethään kamarissa.
Lue enämpi ruottiksi:
Så arbetar ledamöterna
Mikkä valtiopäiväpuoluheet oon ja mitä politiikkaa net ajavat?
Tässä oon valtiopäiväpuoluheet ja montako eustajaa niilä oon:
- Sosiaalidemokraatila oon 100 eustajaa
- Moderaatila oon 70 eustajaa
- Ruottidemokraatila oon 62 eustajaa
- Centerillä oon 31 eustajaa
- Vasemistopuoluheela oon 27 eustajaa
- Kristdemokraatila oon 22 eustajaa
- Folkpartiila liberaalila oon 19 eustajaa
- Miljööpuolue de gröna:la oon 16 eustajaa
Puoluheitten webbpaikoila oon tietoa siittä mitä mieltä net oon eri asioista.
Lue enämpi ruottiksi:
Så arbetar partierna