Mikä vuosi räknäthään demokratian läpilyöntivueksi Ruottissa?
Vuona 1921 räknaäthään ette demokratia kunnola löi läpi Ruottissa. Vuona 1919 valtiopäivilä oli päätetty ette äänioikeus oon ylheinen ja samanarvonen niin vaimo- ko miesihmisille. Kaks vuotta sen jälkhiin piethiin ensimäiset valtiopäivävaalit. Vuen 1921-vaalitten jälkhiin viis vaimonpuolta pääsi valtiopäivile.
Lue enämpi ruottiksi:
Riksdagens historia
Kuka saapii äänestää valtiopäivävaalissa?
Äänestäminen valtiopäivävaalissa vaatii ette sie olet Ruottin kansalainen ja olet täyttäny 18 vuotta. Äänioikeus maakäräjä- ja kunnalisvaalissa oon Ruottin kansalaisela joka täyttää 18 vuotta viimisthään vaalipäivänä ja joka oon sen maakäräjän ja kunnan aluheela kirjoila. Samat vaatimukset jällaavat jonku Euruupan unionin jäsenmaan kansalaista eli Islandin eli Norjan kansalaista. Muila ulkomaan kansalaisila oon äänioikeus jos net oon olheet kirjoila Ruottissa kolme vuotta yhtä mittaa ennen vaalipäivää.
Lue enämpi ruottiksi:
Kunka ussein Ruottissa oon valtiopäivävaalit?
Joka neljäs vuosi. Viimeksi valtiopäivävaalit olit 2018 ja seuraavat vaalit oon 2022.
Lue enämpi ruottiksi:
Kunka moni äänsesti valtiopäivävaalissa 2018?
87,2 prosenttia niistä jokka sait äänestää, äänestit valtiopäivävaalissa 2018.
Lue enämpi ruottiksi:
Valmyndighetens webbplats
Kuka päättää kenestä tullee pääministeri?
Se oon puhemies joka ehottaa kenestä tullee pääministeri ja valtiopäivitten eustajat kamarissa äänestävät puhemiehen ehotuksesta. Mutta ennenkö puhemies antaa ehotuksen se keskustellee valtiopäiväpuoluheitten kans.
Lue enämpi ruottiksi:
Kuka valittee ministerit hallituksheen?
Pääministeri valittee itte ministerit hallituksheen. Sillä josta tullee ministeri häätyy olla oikeus äänestää valtiopäivävaalissa. Se merkittee ette se häätyy olla Ruottin kansalainen ja olla täyttäny 18 vuotta. Se oon ainoa muo´olinen vaatimus päästä ministeriksi.
Lue enämpi ruottiksi:
Mitä tehtäviä valtiopäivitten puhemiehelä oon?
Puhemies johtaa, organiseeraa ja planeraa valtiopäivitten työn. Puhemies oon puhheenjohtaja ko kamarilla oon kokkoukset ja ko net keskustelevat ja päättävät. Yks muu tärkeä tehtävä oon ette johtaa neuotteluja ko hallitus vaihtuu (katto kysymystä 5). Nykysen puhemiehen nimi oon Urban Ahlin.
Lue enämpi ruottiksi:
Onkos kuninkhaala mithään tehtäviä valtiopäivilä?
Kuninkhaan tehtävä oon ette joka syksy aukasta valtionkokkouksen. Se oon valtiopäivävuen alku. Kuninkas oon Ruottin valtiojohtaja, mutta se oon tehtävä johon kuuluu ensikäessä eustus- ja seremooniasioita.
Lue enämpi ruottiksi:
Kungahusets webbplats